TUIS

Juffrou Marelize Swanepoel

Hoe eet jy die Afrikaanse olifant? 

Welkom by die realisering van 'n droom!

Laaste keer opgedateer op 22 Februarie 2018

Afrikaanse Taalraad - Kokertoekennings 2017 te Zevenwacht, Kuilsrivier  Foto galery

Graag wil ek dankie sê vir elkeen se ondersteuning hierdie jaar.  Julle sal nie glo hoe lekker dit vir my is om te weet en te hoor hoe baie hierdie webwerf julle help nie.  Daar is ondersteuners se ver as Namibië.  Dit was 'n groot verrassing toe Ria Olivier, van die Afrikaanse Taalraad, my verlede week gekontak het met goeie nuus.  Ek het 'n nominasie ontvang om 'n erepenning (Kokertoekenning) by die Afrikaanse Taalraad te ontvang vir die werk wat ek in en vir Afrikaans doen.  Ek het 17 November 2017 die voorreg om na Kuilsrivier te vlieg om die Afrikaanse Taalraad Kokerfunksie by te woon.  Ek kan nie wag om soveel moontlik foto's te neem en dit met julle te deel nie.  Dit maak nie saak wie my nomineer het nie, uit die diepte van my hart - Baie dankie!

Die Desembervakansie gaan 'n besige tyd wees vir my webwerf en julle kan 'n paar nuwe hulpbronne verwag.

Groete

Juffrou Marelize Swanepoel

Soos belowe is daar nou 'n prezi-skakel waar die aanlynweergawes gedownload kan word.  Hierdie prezi's kan met die grootste liefde in die klaskamer aangewend

word.  Stelselmatig sal meer prezi's geplaas word.

gallery/cm4all.com.widgets.DownloadWidget-mime_pdf

Nuwe Trappe van vergelyking Prezi pdf
Die prezi kan op http://prezi.com/u8djebonmroj/?utm_campaign=share&utm_medium=copy&rc=ex0share geview word.

gallery/cm4all.com.widgets.DownloadWidget-mime_unknown

Downloadable prezi
Ek hoop regtig dat julle hierdie prezi sal kan aftrek van my webwerf af. Indien wel, sal my ander prezi's ook beskikbaar wees.
Nuwe trappe van vergelyking prezi-windows.exe (31.39MB)

Waarom Sv1TOMPv2 en Sv1TOMPv2I nie?

Ek het in 2005 vir die eerste keer Beryl Lutrin se STOMPI ontdek.  Dit was asof 'n nuwe wêreld vir my oopgegaan het.  Weet julle dat STOMPI my gehelp het om universiteit-sintaksis beter te verstaan?  Hierdie Engelse kortpad vir Afrikaanse sintaksis het my 'n beter EAT-onderwyser gemaak.  Oor die jare het ek so rondgespeel met STOMPI dat hierdie kortpad se toepassing al hoe meer uitgebrei het. 

Sv1TOMPv2I se toepassing het nie net by woordorde gebly nie.  So het ek begin rondspeel en die volgende toepassings gevind: 

Sv1TOMPv2I en woordorde

Sv1TOMPv2I en Lydende en bedrywende vorm [ O v1 (T + W) deur S P v2 I]

Sv1TOMPv2I en Direkte en indirekte rede

Sv1TOMPv2I en Ontkennings- / negatiewe vorm

Sv1TOMPv2I en voegwoorde

Sv1TOMPv2I en Tye

Tydens my BA (HON) in Afrikaanse Taalkunde het ek Beryl Lutrin se Sv1TOMPv2I begin bevraagteken.   Sv1TOMPv2I word in Lutrin se gids  gebruik om woordorde in enkelvoudige sinskonstruksies te verduidelik.  Daar word nie prontuit genoem dat STOMPI die enkelvoudige sinskonstruksie se woordorde uitbeeld nie, dit is 'n afleiding wat baie onderwysers maak.  Ongelukkig is dit waar die probleem vir my ingetree het:  die infinitief.  Die infinitief kan nie as deel van die enkelvoudige sin gesien word nie. 

Wat is die definisie van 'n enkelvoudige sin? 

Die enkelvoudige sin het altyd net EEN GESEGDE.  Daar word slegs EEN ding GEDOEN.  Onthou dat die hulpwerkwoord en die werkwoord SAAM die GESEGDE vorm.  Kyk na die volgende sin as voorbeeld:

                                   S        v1      T              O                   M            P                 v2                       I

Die meisie / het / gister / haar skoolklere / vinnig / in haar kas / opgehang / om haar ma se reëls te volg.

Die sin het al Lutrin se dele:  (S)ubject; (v)erb 1; (T)ime; (O)bject; (M)anner; (P)lace; (v)erb 1; (I)nfinitive.

Daar word TWEE goed GEDOEN in bogenoemde sin:  "het ... opgehang" en "om ... reëls te volg".
'n Enkelvoudige sin het altyd net EEN GESEGDE en die sin bevat TWEE GESEGDES.

Kom ek probeer dit op 'n eenvoudige wyse verduidelik:

Die Infinitief werk soos 'n voegwoord; daarom het die infinitief sy eie werkwoord.  Binne die opset van 'n sin, verskaf die infinitief addisionele inligting.  Hierdie addisionele inligting kom in die vorm van 'n rede:  "Hoekom het die meisie haar skoolklere opgehang?"  = om haar ma se reëls te volg.  Op skoolvlak is daar slegs drie bywoorde:  tyd, wyse en plek.  Die infinitief is nie opgemaak uit 'n bywoord nie.  Die infinitiefsin kan 'n selfstandige naamwoord, byvoeglike naamwoord, werkwoord, ens. bevat. 

Sv1TOMPv2

Dit is om die rede waarom STOMP eerder as STOMPI sin maak.  Wanneer die infinitief op skool getoets word, word dit slegs gebruik om te toets of leerders weet dat die "nie" tydens 'n ontkennende sin NA die infinitief geplaas moet word.  Dit is 'n onnodige komplikasie wat gebruik word om leerders te probeer uitvang. 

STOMPI moet vervang word met STOMP sodat die infinitief op sy eie met leerders behandel kan word.  Die infinitief, op sy eie, is 'n baie fassinerende gedeelte van sintaksis om te leer ken.

 8 Augustus 2017

gallery/data-9d13fb03c44ec57f0812580cd19f8a5e

Hierdie webblad is vir Afrikaanse onnies wat gratis hulp nodig het.  Elke dokument wat jy hier aflaai sal jou nie 'n sent kos nie.  Varsity studente wat tutor sal die webblad ook baie nuttig vind. 

Die enigste manier om die Afrikaanse olifant te eet, is om dit happie vir happie te doen!

Afrikaans, as vak, is aansienlik makliker as wat tans die gevoel in ons skole is.  Afrikaans en Wiskunde het eintlik baie ingemeen.  Beide werk met formules.  Hierdie formules dien as die sleutel om Afrikaans in die klaskamer te ontsluit.  Hierdie formules is wat my metodiek uniek maak. 

Aanbiedings en werkswinkels waarby ek betrokke is:

There are currently no entries.

Vir meer inligting:  

Werkswinkelnotas:

Tree op as gasheerskool, nooi jou mede-Afrikaansonnies in jou distrik en leer hoe om die

Afrikaanse olifant te eet.

Juffrou Marelize Swanepoel is beskikbaar vir werkswinkelbesprekings vir 2017.  Al my werkswinkels se inhoud is van toepassing op onnies wat graad 4 - 12.  Ek woon in Randpark Ridge, Randburg.  Vervoer- en verblyfkostes sal in berekening gebring moet word vir werkswinkels buite Gauteng.

Nostalgie: Om Afrikaans in Afrikaans aan te bied
Enige EAT-onderwyser ken hierdie gevoel. Artikel wat ek geskryf het wat in die Klasgids vir Afrikaansonderwysers gepubliseer is.
Nostalgie - om Afrikaans in Afrikaans aan te bied.pdf (76.09KB)

Marelize Swanepoel: ’n Afrikaans-juffrou wat oorloop van entoesiasme

  Ek deel graag die goeie nuus dat ek deur Afrikaans.com aangewys is as 'n Ambassadeur vir Afrikaans.  Ek is vreeslik trots op hierdie benoeming en bly dat hierdie platform my instaat stel om meer onderwysers, kinders en ouers te bereik.

gallery/cm4all.com.widgets.DownloadWidget-mime_pdf

 Ek wil hê my kinders moet F.A.I.L.

My eerste ontmoeting aan die begin van die jaar met my EAT-kids is altyd spesiaal en kontroversieel😆.

"I would like to share my dream for you. I would like all of you to FAIL Afrikaans this year."

Omtrent almal in die klas toon 'n reaksie. Ek het in my eerste doel geslaag: ek het hul aandag en hulle reageer emosioneel. Jy sien, motivering is nie om soos 'n polisieman agter hulle te staan of om 'n wortel voor hulle neus te hang nie. Ware motivering is om hulle emosioneel betrokke te kry en hul trots te aktiveer. Ons EAT-outjies besef dat hulle Afrikaans moet slaag, dikwels is die negatiewe houding omdat hulle nog nie gewys is hoe maklik Afrikaans regtig is nie. Tog is dit meer as dit...hulle entoesiasme om te leer is nog nie soos 'n legkaart met 'n entoesiastiese leergierige EAT-onnie gepas nie.  

Besef julle hoe bang hierdie kids is om foute te maak, so in plaas daarvan om te probeer, sluit hulle net af. Foute is gelyk aan misluk en wie wil nou 'n mislukking wees? Wat het geword van foute is 'n bewys dat jy probeer?

"I don't want you to fail, I want you to F.A.I.L. - I want you to see everything in my class as your FIRST ATTEMPT IN LEARNING."

Skryfopdragte: slegs jou finale skryfstuk moet so naby as moontlik aan perfek wees - jou beste poging.  Jou beplanning en eerste poging MAG foute, Engelse woorde, doodkrap en deurmekaargedeeltes hê. Dis hoekom ons 'n redigeringspoging het.

Die vrees om foute te maak kan gesien word wanneer leerders reeds hul beplanning met 'n woordeboek wil doen of flaterwater (tippex) voor 'n blou pen of potlood uit hul pennesakkie haal.

Dit is hoekom leerders eerder huiswerk sal afskryf en 'n netjiese boek wil hê as om dood te trek/uit te krap en weer te probeer. FOUTE WYS DAT JY PROBEER.

Wat is die doel van tippex? "To hide our mistakes".

Hoe verwag leerders dat ons hulle moet bystaan en help as hulle hul foute wegsteek onder tippex?

"Everything you do in my class must be seen as your first attempt in learning. Homework is practice for cycle tests and exams. If you have incomplete homework but you can at least show me where you tried then no punishment will follow."

Ek deel dan ook 'n FAIL-plakker uit wat hulle voor op hul boeke moet plak. Die resultaat?

Op dag een van die jaar is Afrikaans 'n onderwerp by die huis. Ek vra gewoonlik wie haat Afrikaans en moedig hulle aan om eerlik te

wees en dat dit aanvaarbaar is om jou opinie te hê, maar ek vra ook vir hulle om my 'n maand te gee.  😊 gewoonlik is slegs 2-4 dae nodig.

Mede-kollegas, moenie alleen voel nie, jy as EAT-onderwyser is spesiaal geroep

8 Augustus 2016

Afrikaans eerste addisionele taal is my passie.  Hierdie webwerf dien dan as die platform om my passie met ander te deel.  Hoewel skoolkinders beslis sal baatvind met die inhoud, is my mede-HT&EAT-kollegas my eintlike gehoor. 

Dit is my mening dat taalklaskamers te veel fokus op inhoud en te min op metodes om enige inhoud te kan hanteer. 

Ek glo dat ek geroep is om 'n Afrikaansjuffrou te wees.  Ek spesialiseer juis in Afrikaans EAT.  Dis omtrent my obsessie. 

My grootste doel is om soveel moontlik onderwysers en leerders te bereik en te help.

Juffrou Marelize Swanepoel (www.swanies.co.za) is 'n gratis aanlynbron waar onderwysers en leerders toegang het tot verskeie hulpbronne.  Ek besef dat ek maklik geld kan maak uit hierdie webwerf, maar dis die laaste ding wat ek wil doen. 

Daar is 'n ongelooflike tekort aan hulpbronne vir EAT-onderwysers.  Dit wat wel beskikbaar is, kom teen ’n minimale koste.  Die probleem is dat slegs ’n handjievol oor die fondse beskik om toegang tot hierdie hulpbronne te kry.  Daarom is my hulp beskikbaar aan enige persoon wat my webwerf besoek.  Voor die bestaan van hierdie webwerf het ek hulpbronne gedeel via ’n wiziq-blad. 

Dis moeilik om die gevoel te beskryf wanneer my Engelse kinders aankondig dat Afrikaans hul gunsteling vak is.  Ek dink ek is een van min onderwysers wat opgewonde raak rondom eksamens.  Ek kan nie wag dat my kinders moet skryf sodat ek dit kan nasien nie.  Ek raak lief vir hierdie kinders en deur my entoesiasme en kreatiwiteit raak my kinders lief vir Afrikaans.

Ek het ook nou betrokke geraak by onderwyseropleiding waar ek my benaderings en insigte met my mede-kollegas deel.  My benadering fokus op metodiek.  Dit is my mening dat leerders met inhoud gebombardeer word wat gememoriseer moet word terwyl hulle eintlik met metodes bemagtig moet word om enige inhoud te kan hanteer.  My doel is om vir ander te leer hoe die Afrikaanse olifant eintlik geëet moet word.  Elke kortpad of metode dien as ’n spreekwoordelike happie wat die olifant eetbaar maak.

Afrikaans, as vak, is aansienlik makliker as wat tans die gevoel in ons skole is.  Afrikaans en Wiskunde het eintlik baie ingemeen.  Beide werk met formules.  Hierdie formules dien as die sleutel om Afrikaans in die klaskamer te ontsluit.  Hierdie formules is wat my metodiek uniek maak. 

Ek glo dat ek gebore om drie rolle te vervul:

1.    Ek is gebore om my man se vrou te wees.

2.    Ek is gebore om my dogtertjie se ma te wees.

3.    Ek is gebore om ’n Afrikaanse juffrou te wees.